كلها 50 يوم تقريبا وتبدأ الامتحانات ومن بعدها تنتهي رحلة الثانوية العامة
لازم تعرف بس إنه "ما مضى قد مضى "يعني مفيش وقت تبص ل اللي فات، لكن فيه وقت تبص لقدام،
أنت لسه قدامك فرصة تحصل فيها كتير، لسه قدامك حلمك وهدفك.
اوعي تمشي نفسك مع المركب الغرقانة.
اوعي تقول هو يعني أنا اللي هبقي جامد وسط دول؟!
ولا اللي ذاكر خد ايه؟
اللي ذاكر خد كتير، كل اللي قدامك دلوقتي إنك تعمل اللي عليك وتشد على نفسك في اللي فاضل ولازم تعرف إن نفس الوقت دا من السنة الجاية هتبقي بتحصل نتيجة تعبك هتكون في المكان اللي اختاره لك ربنا والطريق اللي أنت كنت بتسعي فيه طول السنة دي، هتكون في المكان اللي مكنش ينفع تكون غير فيه واعرف دايماً إن رب الخير لا يأتي إلا بالخير. ‌
بالتوفيق يا شباب
جدول امتحانات الدبلومات الفنية 2024 الدور الاول جميع التخصصات الفنية